Adipurush Official Trailer: ఈరోజు ఆదిపురుష్ ట్రైలర్ లాంచ్…. ఒక రోజు ముందే ఈ ట్రైలర్ విడుదల
Adipurush Official Trailer: ప్రభాస్ కృతిసనన్ కలిసి నటిస్తున్న మైథిలాజికల్ మూవీ ‘ఆదిపురుష్’. రామాయణం కథాంశంతో వస్తున్న ఈ సినిమాలో ప్రభాస్ రాముడిగా నటించగా కృతిసనన్ సీత దేవిగా కనిపించనున్నారు. లంకేశ్వరుడిగా బాలీవుడ్ నటుడు సైఫ్ ఆలీ ఖాన్ నటించారు. టి-సిరీస్ భూషణ్ కుమార్, క్రిషన్ కుమార్, ఓం రౌత్, ప్రసాద్ సుతార్, రెట్రోఫైల్స్‌కు చెందిన రాజేష్ నాయర్‌తో పాటు యువి క్రియేషన్స్ ప్రమోద్, వంశీ ఈ సినిమాను సంయుక్తంగా నిర్మించారు. ఈ మూవీ ట్రైలర్ కోసం అభిమానులు ఎంతగానో ఎదురు చూస్తున్నారు. ఆదిపురుష్’ ట్రైలర్‌ను భారీ స్థాయిలో విడుదల చేయడానికి నిర్మాతలు ప్లాన్ చేస్తున్నారు .నేడు (మే 9) సాయంత్రం 5:04 నిమిషాలకు ఈ సినిమాని గ్రాండ్ గా రిలీజ్ చేయబోతున్నారు. కేవలం ఇండియాలోనే కాకుండా 70 దేశాల్లో ట్రైలర్‌ను విడుదల చేస్తున్నారు. దీంతో ‘ఆదిపురుష్’ ట్రైలర్ లాంచ్ గ్లోబల్ ఈవెంట్‌గా మారిపోనుంది.3D ట్రైలర్ ని స్పెషల్ గా థియేటర్స్ లో స్క్రీనింగ్ చేయనున్నారు.
Also Watch
అయితే ఒక రోజు ముందే ఈ ట్రైలర్ ని కొంతమంది అభిమానులకు, మీడియా వర్గాలకు హైదరాబాద్ AMB మాల్ లో స్పెషల్ స్క్రీనింగ్ వేయనున్నారు. ఈ స్క్రీనింగ్ కి హాజరయ్యేందుకు కృతి సనన్, దర్శకుడు ఓం రౌత్ హైదరాబాద్ లో ల్యాండ్ అయ్యారు. ఇక ఈ ట్రైలర్ ని చూసేందుకు AMB మాల్ కి చేరుకున్న ప్రభాస్ అభిమానులు సందడి చేస్తున్నారు. గతంలో రిలీజ్ అయిన టీజర్ గ్రాఫిక్స్ విషయంలో భారీ ట్రోలింగ్ కి గురైంది. దీంతో VFX వర్క్స్ ని మెరుగు పరుచుకునేందుకు వెనక్కి వెళ్లి వెళ్లిన సంగతి తెలిసిందే. అయితే జూన్ 16వ తేదీనే ఈ సినిమా ప్రపంచ వ్యాప్తంగా తెలుగుతో పాటు హిందీ, తమిళం, కన్నడ, మలయాళ భాషల్లో విడుదలవుతుంది.
అసలు ‘బాహుబలి’తో పాన్ ఇండియా స్టార్‌గా మారిన ప్రభాస్ రామాయణం ఆధారంగా సినిమా చేస్తున్నారనేసరికి అందరి దృష్టి దీనిపై పడింది. ఇండియన్ సినిమా హిస్టరీలోనే ‘ఆదిపురుష్’ భారీ చిత్రం అవుతుందని అంతా భావించారు. దీనికి తోడు ‘తానాజీ’ వంటి నేషనల్ అవార్డ్ విన్నింగ్ మూవీ తీసిన దర్శకుడు ఓం రౌత్.. ‘ఆదిపురుష్’కు దర్శకత్వం వహిస్తుండటంతో అంచనాలు ఆకాశాన్ని అంటాయి. అయితే, కిందటేడాది అక్టోబర్‌లో విడుదలైన ‘ఆదిపురుష్’ టీజర్ ఆ అంచనాలన్నింటినీ తారుమారు చేసింది. చాలా మందికి ఈ టీజర్ నచ్చలేదు. తీవ్ర విమర్శలు వచ్చాయి.
