టాలీవుడ్ లో విషాదం చోటు చేసుకుంది. ప్రముఖ సినీ నటుడు అల్లు రమేష్ (52) గుండెపోటుతో కన్నుమూశారు. తెలుగు చిత్రపరిశ్రమకు చెందిన హాస్య నటుడు అల్లు రమేష్ మంగళవారం వైజాగ్‌లో గుండెపోటుతో కన్నుమూశారు.
ఈ విషయాన్ని యువ దర్శకుడు అరవింద్ రవి తన సోషల్ మీడియా ఖాతా ద్వారా వెల్లడించారు. అయితే అల్లు రమేష్ మృతి వార్త తెలిసిన పలువురు సినీ నటులు తమ సంతాపాన్ని వ్యక్తం చేస్తున్నారు.
అల్లు రమేష్ గత కొన్నేళ్లుగా అనారోగ్యంతో బాధపడుతున్నట్లు సమాచారం. ఆయన మరణవార్తను తెలిసి ఆనంద్ రవి దివంగత నటుడితో తన త్రోబ్యాక్ ఫోటోలను పంచుకున్నారు మరియు “మొదటి రోజు నుండి మీరు నాకు అతిపెద్ద మద్దతుగా ఉన్నారు. ఇప్పటికీ నీ గొంతు నా బుర్రలో వినిపిస్తోంది. రమేష్ గారూ, మీ మరణాన్ని జీర్ణించుకోలేకపోతున్నారు. నాలాంటి ఎంతోమంది హృదయాలను స్పృశించారు మిస్ యూ ఓం శాంతి ‘ అని ట్వీట్ చేశారు.
ఆయన పోస్ట్ కు కామెంట్స్ సెక్షన్ లో పలువురు నెటిజన్లు, సెలబ్రిటీలు సంతాపం తెలిపారు.ఇక అల్లు రమేశ్ విశాఖపట్నంలో నాటకాల్లో నటించేవారు. తన నైపుణ్యంతో సినిమాల్లోనూ అవకాశాలు అందాయి దీంతో నటుడిగా మారారు. ప్రముఖ నిర్మాత దిల్ రాజు నిర్మించిన “కేరింత” చిత్రంలో నూకరాజుకు తండ్రి పాత్రను పోషించారు.
ఇటీవల విడుదలైన నెపోలియన్ చిత్రంలోనూ ఆయన కీలక పాత్ర పోషించారు. వెబ్ సిరీస్‌లలో సైతం ఆయన నటించారు. అల్లు రమేష్ ‘నెపోలియన్’, ‘తోలుబొమ్మలాట’ చిత్రాల్లో నటించి మంచి గుర్తింపు తెచ్చుకున్నారు.
ఈ చిత్రాలు ఆయనకు గుర్తింపును, విమర్శకుల ప్రశంసలను తెచ్చిపెట్టాయి. రంగస్థలంతో కెరీర్ ప్రారంభించిన ఆయన టాలీవుడ్ చిత్రం ‘చిరుజల్లు’తో నటుడిగా అరంగేట్రం చేశారు. దాదాపు 50 చిత్రాల్లో నటించిన అల్లు’తోలు బొమ్మలట’, ‘మధుర వైన్స్’, ‘వీధి’, ‘బ్లేడ్ బాబ్జీ’, ‘కేరింత’ వంటి చిత్రాల్లో నటించి మంచి గుర్తింపు తెచ్చుకున్నారు. దివంగత నటుడు టెలివిజన్ షోలలో కూడా కనిపించారు. ఆయన చివరిసారిగా డైలీ సీరియల్ ‘మా విడాకుల’లో నటి తండ్రి పాత్రలో నటించారు.
